Հայոց ցեղասպանության 108-րդ տարելիցի ոգեկոչման Սուրբ պատարագ Փարիզի Մադլեն եկեղեցում

23 ապրիլի, 2023

Ապրիլի 23-ին Փարիզի ամենաբանուկ հատվածների մեկում գտնվող Մադլեն եկեղեցում տեղի ունեցավ Ֆրանսիայի կաթոլիկ եկեղեցու կողմից կազմակերպվող Հայոց ցեղասպանության տարելիցի ոգեկոչման ավանդական պատարագ:

Հայկական ծիսակարգով պատարագը համատեղ մատուցվեց Հայ կաթողիկե եկեղեցու Ֆրանսիայի թեմի առաջնորդ Գերապայծառ Եղյա եպիսկոպոս Եղիայեանի, Ֆրանսիայի կաթոլիկ եկեղեցու ներկայացուցիչ, Փարիզի արքեպիսկոպոս Լորան Յուլրիշի, Հայ առաքելական եկեղեցու Ֆրանսիայի թեմի առաջնորդ Տեր Գրիգոր Վարդապետ Խաչատրյանի, Ֆրանսիայի Հայ ավետարանչական եկեղեցու առաջնորդ Ժոել Միքայելյանի, ինչպես նաև քույր եկեղեցիների քահանաների կողմից:

Ոգեկոչման պատարագին ներկա էին Ֆրանսիայում Հայաստանի դեսպան Հասմիկ Տոլմաջյանը, Լեռնային Ղարաբաղի ներկայացուցիչ Հովհաննես Գևորգյանը, Ֆրանսիայի ԱԳ նախարարի՝ կրոնական հարցերով խորհրդական Ժան-Քրիստոֆ Պոսելը, ֆրանսիացի մտավորական գործիչներ, ինչպես նաև Ֆրանսիայի հայ կաթողիկե եկեղեցու հետևորդներ, ֆրանսահայ համայնքի մեծաթիվ ներկայացուցիչներ, հավատավորներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր